სამოდელო გაკვეთილი

  სამოდელო გაკვეთილის გეგმა  #1

მასწავლებლის სახელი გვარი:  ელენე ჯელაძე      

საგანი:  ბუნებისმეტყველება

სწავლების საფეხური/კლასი:  მე-2 კლასი

მოსწავლეთა რაოდენობა:   27 მოსწავლე

გაკვეთილის თემა:  წყალი ბუნებაში, გავუფრთხილდეთ წყალს.

გაკვეთილის ტიპი: გამჭოლი კომპეტენციის განვითარება

Ø  ეკოლოგიური წიგნიერება (გარემოსადმი ჯანსაღი დამოკიდებულების ჩამოყალიბება, გააცნობიეროს პირადი პასუხისმგებლობა, შეძლოს მონაწილეობა მის დაცვასა და აღდგენაში.

Ø  ციფრული წიგნიერება (ქსელური ძიების უნარი)

Ø  სოციალური და სამოქალაქო კომპეტენცია (კონსტრუქციული თნამშრომლობა, კრიტიკული და შემოქმედებითი აზროვნება, პრობლემის მოგვარება)

გაკვეთილის მიზანი:

·         შეძლონ ვიდეოგაკვეთილში  არსებული პრობლემის დანახვა და დასმულ კითხვებზე მსჯელობა;

·         21- საუკუნის ყველაზე დიდ პრობლემაზე წყლის დაბინძურების შედეგებზე და  უმიზნოდ ხარჯვის შედეგებზე  დაფიქრება და მსჯელობა.

·         შექმნან რესურსი რომელიც მათ თანატოლებსაც დაეხმარებათ ცოდნის მიღებაში.

N	აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო (წთ)
1	აქტივობა 1. საორგანიზაციო საკითხები გაკვეთილის მიზნისა და შეფასების პრინციპების გაცნობა. აქტივობის მიზანი:  მოსწავლეთა მობილიზება გაკვეთილისთვის. მათთვის სწავლების ხელშემწყობი გარემოს უზრუნველყოფა, რომელიც უკავშირდება საგაკვეთილო  მოტივაციის ზრდას. აღწერა: მასწავლებელი მოსწავლეებს აცნობს გაკვეთილის თემას, მიზანს. ესაუბრება რა მეთოდებსა და რესურსებს გამოიყენებს მიზნის მისაღწევად; რა შედეგს ელის გაკვეთილის ბოლოს; მოსწავლის შეფასების რუბრიკებს და შეფასების ფორმებს.  უხსნის რომ გაკვეთილის მიდინარეობს პროცესში ერთობლივად ჩაინიშნავენ იმ დასკვნებს რასაც გაკვეთილის მსვლელობისას გააკეთებენ გამოფენენ სკოლის დერეფანში რათა გაეცნონ მათი თანატოლებიც.	ვერბალური მეთოდი	საერთო საკლასო		3 წ
2	აქტივობა 2. პროვოცირება / თამაში აქტივობის მიზანი:  წინასაგაკვეთილო განწყობის შექმნა , იგი უკავშირდება მოტივაციის ზრდას და საგაკვეთილო მზაობას. ასევე ლოგიკური კავშირის დამყარებას განვლილ მასალასთან. აღწერა:  თამაში- ტყუილი თუ მართალი. მასწავლებელს განვლილი მასალიდან კონკრეტული თემის ირგვლივ მომზადებული აქვს კითხვები და მოსწავლეებმა უნდა ამოიცნონ ტყუილაია თუ მართალი.	კითხვა-პასუხის მეთოდი.	საერთო საკლასო	მომზადებული კითხვები.	5 წ
3	აქტივობა 3. წინა გაკვეთილზე კლასის მართვის პროგრამაში გაგზავნილი მასწავლებლის მიერ  Movie maker-ში მომზადებული  ვიდეოგაკვეთილი ,, გავუფრთხილდეთ წყალს,, https://drive.google.com/drive/folders/1R2sg25s0y-OBOsk2Wji1vlrGPfED5vkZ რა გავიგეთ რაზე იყო საუბარი, რა პრობლემა დავინახეთ. რა უნდა გავითვალისწინოთ მომავალში. მოსწავლეები გამოხატავენ თავის დამოკიდებულებას და  შევავსებთ კორნელის გრაფას. აქტივობის  მიზანი:  ინფორმაციულ საკომუნიკაცო ტექნოლოგიების ჩრთულობა საგაკვეთილო პროცესში ანალიზის, მსჯელობის და დასკვნების გამოტანის უნარის განვითარება. აღწერა: როგორც ვიცით გაკვეთილის ახსნა მოხდა ვიდეოგაკვეთილის მეშვეობით, თანამედროვე მეთოდის გამოყენებით კერძოდ,  შებრუნებული საკლასო ოთახი. მასწავლებელი აკვირდება მოსწავლეებს, ამოწმებს მათ ცოდნას და სხვადასხვა გრაფიკული მაორგანიზებლებით  და აკეთებს დასკვნებს; რა გაიგეს მოსწავლებმა, რა დარჩათ ბუნდოვანი და რა კითხვები გაუჩნდათ ვიდეოგაკვეთილის ნახვის შემდეგ.	ელექტრონული სწავლების მეთოდი.	საერთო საკლასო	ფორმატზე მომზადეული ვიდეოგაკვეთილის ბოლოს დასმული სამსჯელო კითხვები. დაფაზე გაკრული კორნელის გრაფა.	15 წ
4	აქტივობა 4. მასწავლებლის მიერ შეთვაზებულ ლექსზე მსჯელობა. აქტივობის მიზანი:  ამოიცნოს მოსწავლემ ლექსში არსებული მთავარი პრობლემა და გააკეთოს ლოგიკური დასკვნები. იმსჯელოს და განუვითარდეს ეკოლოგიური ცნობიერება. აღწერა:  მასწავლებელი მოსწავლეებთან იწყებს საუბარს წყლის შესახებ. იგი აღნიშნავს, რომ დედამიწის უდიდესი ნაწილი წყალს უჭირავს, მაგრამ  მიუხედავად ამისა, რატომ უნდა გვეშინოდეს წყლის გამოლევს? -          თუ ჩაგიყლაპავთ ოდესმე თუნდაც შემთხვევით ზღვის წყალი? -         როგორი გემო აქვს? -         სასმელად გამოდგება? -         რატომ? მასწავლებელი დაფაზე აკრავს ა. გურგენიძის ლექსს  ,, მაინც დანაშაულია,, შემდეგ კი მიმართავს ბავშვებს: 1.      რატომ იყო დანაშაული ლიას და რეზოს საქციელი? 2.      შენ როგორ მოიქცეოდი? 3.      რა მოხდება რომ იდინოს წყალმა?	თვალსაჩინო, კინესთეტიკური  მეთოდი.	საერთო საკლასო	1.ფორმატზე გამზადებული ლექსი. 2.გლობუსი	12 წ
5	აქტივობა 5. გაკვეთილის შეჯამება / შეფასება აქტივობის მიზანი: მოსწავლეთა სააზროვნო პროცესების შეფასება, სამ გაკვეთილში დაგროვილი ცოდნის ერთად თავმოყრა აღწერა:  ფორმატზე გამზადებულია სამკუთხედი.  მასწავლებელი სთხოვს მოსწავლეებს დაასახელონ ის სამი ძირითადი , რაც წყალზე ვისწავლეთ  (უწყლოდ სიცოცხლე შეუძლებელია, წყალს გაფრთხილება უნდა, დავზოგოთ და გავუფრთხილდეთ სასმელ წყალს)	დემონსტრირების მეთოდი შეჯამების სამკუთხედი	საერთო საკლასო	რესურსი: ფორმატზე დახაზული სამკუთხედი	5წ

გაკვეთილის ბოლოს მისაღწევი შედეგები :

ბუნ.II.1. მოსწავლემ უნდა შეძლოს პრაქტიკულ აქტივობებში მონაწილეობა და ელემენტარული კვლევითი უნარ-ჩვევების დემონსტრირება. შედეგი თვალსაჩინოა, თუ მოსწავლე:

შედეგი თვალსაჩინოა, თუ მოსწავლე :

 · სვამს მარტივ კითხვებს შესასწავლი სხეულის/მოვლენის შესახებ;

 · ამოიცნობს, აღწერს და ახარისხებს სხეულებს ან/და მოვლენებს ილუსტრაციაზე ან რეალობაში;

· ეფუძნება პირად მოსაზრებებს ან/და დაკვირვების შედეგებს დასმულ კითხვაზე პასუხის გასაცემად;

 · იყენებს კომუნიკაციის სხვადასხვა ფორმას (მაგ. ნახატი, ზეპირმეტყველება, ისტ) საკუთარი მოსაზრებების ან/და კვლევის შედეგების წარდგენისას.

ბუნ.II.7. მოსწავლემ უნდა შეძლოს ყოველდღიურ ცხოვრებაში გამოყენებული ბუნებრივი რესურსების დასახელება და მათ მნიშვნელობაზე მსჯელობა. შედეგი თვალსაჩინოა, თუ მოსწავლე:

შედეგი თვალსაჩინოა, თუ მოსწავლე :

 · ჩამოთვლის ბუნებრივ რესურსებს, რომლებსაც იყენებს ყოველდღიურ ცხოვრებაში (მაგ., წყალი, შეშა, ბუნებრივი აირი) და ლაპარაკობს მათ მნიშვნელობაზე;

· ვარაუდობს, რა შეიძლება მოხდეს ბუნებრივი რესურსების ამოწურვის შემთხვევაში;

 · უზიარებს თანაკლასელებს საკუთარ გამოცდილებას, თუ როგორ იცავს ან/და ზოგავს ბუნებრივ რესურსებს;

 · მსჯელობს, რა შედეგი შეიძლება გამოიწვიოს მდინარის/ტყის საყოფაცხოვრებო და სხვა ტიპის ნარჩენებით დაბინძურებამ

შეფასება :    განმავითარებელი შეფასების რუბრიკა:

კრიტერიუმები	ყოველთვის	ხშირად	იშვიათად
მოსწავლე მონაწილეობს , ჩართულია საკლასო აქტივობებში
ახდენს პრობლემის იდენტიფიცირებას.
მსჯელობს, ასაბუთებს, გამოაქვს დასკვნები.

დანართი:                                 კორნელის გრაფა

პირველადი კომენტარი (ფაქტობრივი)

მეორეული კომენტარი (ემოციური და კრიტიკული)